13 იანვარს, გრიბოედოვის თეატრში ზვიად ბოლქვაძისა და მუსიკალური პროექტის, „რანიანას“ მონაწილეების საახალწლო კონცერტი გაიმართა.
გრიბოედოვის თეატრში მისულმა მსმენელმა არაერთი ემოციური, შეუდარებელი დუეტი მოისმინა.
ზვიად ბოლქვაძესთან ერთად იმღერა, „რანინას“ უახლესი სეზონის გამარჯვებულმა და 2025 წლის საბავშვო „ევროვიზიის“ მონაწილემ – ანიტა აბგარიანმაც.
აღნიშნულ კადრებს ანიტა აბგარიანის დედა თეონა დოლიძე „ფეისბუკის„ საკუთარ გვერდზე აქვეყნებს.
„ნამდვილი ბრილიანტი ხარ“, „საოცრება გოგო ხარ, ანიტა“, „შენს ნიჭიერებას საზღვარი არ აქვს“, „ყველა ღირსებით შემკული, ნამდვილი ვარსკვლავი“, – წერენ ზვიად ბოლქვაძისა და ანიტა აბგარიანის დუეტით მოხიბლული სოციალური ქსელის მომხმარებლები.
