მარიამ შარმანაშვილი, რომელმაც 26 ივლისს, იტალიელი კინოვარსკვლავის, სოფი ლორენის ვაჟზე, კარლო პონტზე იქორწინა, სოციალურ ქსელში საზოგადოებას გრანდიოზული ქორწილიდან მორიგ ვიდეოს უზიარებს.
ვიდეოკოლაჟში წყვილის ქორწილის დღის შთამბეჭდავი მომენტებია გაერთიანებული.
„ჩემი და კარლოს დღესასწაული. მადლობა, ამ ზღაპრული დღისთვის“, – წერს მარიამ შარმანაშვილი „ინსტაგამზე“ და მადლობას უხდის ქორწილის საორგანიზაციო ჯგუფსა და ფოტო_ და ვიდეოგრაფ ირაკლი კიკვიძეს, რომელსაც აღნიშნული კადრები ეკუთვნის.
შეგახსენებთ, კარლო პონტიმ და მარიამ შარმანაშვილმა 26 ივლისს იქორწინეს. მათ გრანდიოზულ საქორწინო წვეულებაზე უამრავ სტუმარს უმასპინძლეს. ქართული ტრადიციული ელემენტებით გაფორმებული ქორწილი არაერთ ემოციურ ეპიზოდს მოიცავდა, წყვილმა ჯვარი სამთავროს მონასტერში დაიწერა, შემდეგ იყო საქორწინო ფიცი და წყვილის მიერ შესრულებული „დაისი“.
